قصيدة مربعة للأمام الجواد

[ للمسموم أون ]

وللمسموم اون مابطل الونه
الهادي اعله الجواد اليوم عازنه

•───✧◐◐✧───•

للمسمـوم اون وحـيل مابيــه
وعله الميت غريب وماأله ابنيه
يعالج وحده من جتـه المـنيــه
وشدي لطمتج مسموم سيدنه

•───✧◐◐✧───•

نعازي الهادي كلنه ونذرف الدمعه
نوحو اعله الجواد اليوم ياشـيعـه
مسموم وغريب امشونه انشيعـه
هذا هناك جـده يصير شافعـنـه

•───✧◐◐✧───•

يالتلطم عليه اخسف عليه صدرك
جده المصطفى بالمحشر ينفعك
ومن تزور صحنه وتلطم يسمعك
وينطي امراد لو واحد طلب منه

•───✧◐◐✧───•

ونـاتـج عـلى المسمـوم عليها
وايدج بااللطم لمصابه شيليها
هذا أبن الرضا والحاجه يكضيها
على المسموم لطمن ياحبايبنـه

•───✧◐◐✧───•

بكل مجلس تجي اويانه المظلومه
محنيه وتدك عـالراس مهمومــه
على الويلاد تـلطـم حيل مهدومه
ونـن حيـل للتـحظـر مجـالسـنه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/القلم الحسيني/com.amAli30

قصيدة للأمام الجواد ثكيله

من #ديوان_نوائح_ورزايا

{{ نوحو كلكم لاجواد }}


نوحو كلكم للجواد
واعلنو الليوم الحداد

شاب مسموم بشبابه
وبالشمس ظل بثيابه

اعلنو الليوم الحداد

•───✧◐◐✧───•

بالله ياشيعه علي نوحو عليــه
بالسطح مطروح ممدودات اديه
انتو خلو ادموعكم تجري عليه
وحزنو للضيع شبابه
وبالشمس ظل بثيابه
اعلنو الليوم الحداد

•───✧◐◐✧───•

شاب يستاهل لطم يالتلطمون
قصته صعبه وتبجي كَل عيون
خل تجي اهله وعمامه يحظرون
ولطمو ياشيعه لمصابه
بالشمس ظل ابثيابــه
واعلنو الليوم الحداد

•───✧◐◐✧───•

الزهره يمه تنوح مكسورة كلب
تكله يوليدي الدهر بيه شلعب
اخذ كل ولدي وعليك ادموع اصب
وتالي اشوفك علترابه
بالشمس ظل ابثيابـه
واعلنو الليوم الحداد

•───✧◐◐✧───•

باارض بغداد الجواد الليوم مسموم
وينها احبابه تجي واتشيله هاليوم
تحظر التغسيل وتشيع المسموم
لقصته لطموا احبابه
بالشمس ظل ابثيابه
واعلنو الليوم الحداد

•───✧◐◐✧───•

طلعت احبابه تشيع جثة غاد
ولبسو احبابه عليه ثوب السواد
وصارت ارض الكاظميه عليه حداد
تروح وتقبل اعتابه
بالشمس ظل ابثيابه
واعلنو الليوم الحداد

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/القلم الحسيني/com.amAli30

نعي للأمام الجواد عليه السلام

#جديد

يحله الونين اعله الشبابات
واليوم أمامي بالغدر مـات
مسموم بس يجهر الـونـات

•───✧◐◐✧───•

ونـت حبايب ونـن اعليـي
ثلث تيام امامچ مامشيعي
بالشمس نايم مـادرو بـي

•───✧◐◐✧───•

ونت الزهره أم كلب زاچي
علمسموم علوها البواچـي
ولمصيـبة ذبـو الخواچـي

•───✧◐◐✧───•

والكاظميه اعليي محزنيـن
شيب وشباب اتجر بالونين
ونصبو چوادرهـم للحنين

•───✧◐◐✧───•

اليله انچتل عطاي المراد
مـمرود من السم الـفـاد
والشيعه لجله علنو حداد

•───✧◐◐✧───•

اخبرك يالأجيت اعليه تسايل
بعمر الشبـاب اليـوم شـايـل
بهـل المـروه الـوكت مـايـل

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/القلم الحسيني/com.amAli30

فزاعية للأمام الجواد ع

{{ نصبو كل چوادرهم }}

اليوم الساده عالمسموم
نـصـبو كـل چـوادرهــم

•───✧◐◐✧───•

عدهم فاتحه اليلــه
مـيـتهــم دلطميــله
ومجلس عزه نصبيله
بالسم كضه ميتهــم

•───✧◐◐✧───•

شباب وخلصن ايامه
خل نلطم عله الهامه
نعازي اهله الوهامـه
وهـاليله نعـازيـهــم

•───✧◐◐✧───•

على المسموم ونينه
وننصب كل تعازينه
دم ادموع صبينــه
وانون لمصيبتهــم

•───✧◐◐✧───•

لرض الكاظميه نـروح
نبچي والدمع مسفوح
مصابه فتح بينه جروح
مـانــنـساهـا لوعتهــم

•───✧◐◐✧───•

نـتـعـنـالـه مشـايه
وناخذ بيدنه الرايـه
وننصب عزه وقرايه
نواسي الزهره جدتهم

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
اهدي ثواب العمل الى مولاي صاحب الزمان عج

https://www.tg-me.com/القلم الحسيني/com.amAli30

قصيدة فزاعية للإمام الجواد

#جديد……

مراد عندي وجايه
وابن الرضا تعنيته

•───✧◐◐✧───•

محتاره اجيت بحاجتي
يم بابه احچي حچايتي
واعكد بأسمه عبايتي
بهموم كلبي نخيته

•───✧◐◐✧───•

معروف بالجود وكرم
والراح يمه ماندم
ينزاح يمه كل ألم
بس اعتني يم بيته

•───✧◐◐✧───•

للكاظميه امشيله
وبحاجتي احجيله
والحمل هوه يشيله
معروف عالي بصيته

•───✧◐◐✧───•

ميحير كلمن كاصده
ينطي الحاجه وراده
باب الكرم ماساده
والحال يمه شكيته

•───✧◐◐✧───•

مجربينه للضايع فرج
مولاي ياتاسع حجج
تشفي العله والمهج
ومراد منه اخذيته

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/القلم الحسيني/com.amAli30

كوني ملايه قولآ وفعلا لتركصين على جراحات الحسين

الشهره ماتفيدج ولا فلانه تفيدج تكعدين تسفطين كلام لايمد للحسين بصله


راجعو انفسكم كونو زينبيات لتكونون امثال جعده وبنت الفظل

👆🏻👆🏻👆🏻👆🏻

الليله خل نعلن حداد _ نبجي لمصاب الجواد
نلطم بحركة ونحيب _ اليشبه مصاب الغريب

ونلبس هدوم السواد _ نبجي لمصاب الجواد
____
وين اليحب البجي ويهوه الحزن
خل يجي يكابلني وينوح ويون
يشبه مصاب الحسين بكل صفاة
هم ثلث تيام ظل بلا دفن

حسين بالطف منذبح _ وهو مسموم بسطح
ومات عطشان الفؤاد _ نبجي لمصاب الجواد
..............
صح جواد اليمه هم مات بعطش
بس رغم كل الحزن حصل نعش
شيعوه وجفنوه وغسلوه
حسين جسمه بكربله كلهه انفرش

ماكو مثل حسين ابد _ للدفن ما صح ولد
ناحته السبع الشداد _ نبجي لمصاب الجواد
............
الجواد بنفسه ينعى ويبجي دم
يكول مثل حسين ما مر كلبي هم
صح متت عطشان بس خلولي بيت
حسين حي وحركو كباله الخيم

وخيل ماسحكت علي _ ولا صبع راح من ادي

ولا خيم صارت رماد _ نبجي لمصاب الجواد
.............
انه ولدي ناحو اعليه وبجو
وفاتحه سوولي بيهه اتحزمو
لا بناتي انسبن لا كطعولي راس
ولا اكبال عيوني ولدي اتذبحو

الظيم كله بكربله _ ابو وي عياله انوله
أمر غث رب العباد _ نبجي لمصاب الجواد
..............
الخادم موسى البطلي


https://www.tg-me.com/القلم الحسيني/com.amAli30

قصيده للحسين ع

الله لا ينطي الخيول الاعوجيه
طحنت اضلوعك طحن يبن الزچيه

جيت المهن وشلگيت
اموذر ويمك بجيت

وخنصرك مابيي المحبس بين اديه
....................
خنصرك مكطوع وامسلب يوالي
وطابع ابصدرك اثر حافر يغالي
منشده فكري أو يبچي الصخر حالي
حايره ومحتاره من ضيم الجرالي

من ثكل همي انحنيت
اموذر ويمك بجيت

وخنصرك مابيي المحبس بين اديه
............
من ثكل همي انحنيت وناري تسري
بطيحتك ضاع الدلال وضاع خدري
خويه ياخيمتنه كلنه وانته ستري
ياسند لينه وتجيه اااايضخري

تفرهدينه ومادريت
اموذر ويمك بجيت

وخنصرك مابيي المحبس بين اديه
....................
تفرهدينه وحركو الخيمه علينه
وين ننطي الوجه وين ومادرينه
نمشي للشاطي والوذن يم ولينه
من اكصدك ياخو زينب كوم لينه

من بعيد وحشمييت
اموذر ويمك بجيت

وخنصرك مابيي المحبس بين اديه
......................
من بعيد وحشمييتك وانه انوحن
وينها جفوفك تكضني شلون الوحن
كلبي للخوه يكافل هالمسه حن
حيرتي مامن مثلها وين اروحن

منبع الخوه اعتنيت
اموذر ويمك بجيت

وخنصرك مابيي المحبس بين اديه
........................
منبع الخوه اعتنيتك ياكفيلي
اعتب وبالهضم هل ذايب دليلي
ضلمه صار وخيمه ماكو ووحشه ليلي
وين اروحن ريت بس يسمع عويلي

ريت شافاني نسبيت
اموذر ويمك بجيت

وخنصرك مابيي المحبس بين اديه
...........................

تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات



https://www.tg-me.com/القلم الحسيني/com.amAli30

قصيدة للإمام الجواد(بسم يغدرونه)
تقرأ فزاعية بهوسات وألحان أخرى
❥━──➸➽❥❂❥━──➸➽❥❂
وسفه اعله الجواد بسم يغدرونه
هذا ابن الرضا يالما تعرفونه
❥━──➸➽❥❂❥━──➸➽❥❂
نعازيه الرضا ونلطم عله امصابه
حزنانه وتون اليوم احبابه
شايل يالجواد ومنغلك بابه
مات ابن الأئمة وغمض عيونه
((الشال اليوم ابن الساده))
❥━──➸➽❥❂❥━──➸➽❥❂
ياتاسع امام وقصته صعبه
مثل جده الحسن بالسم يبس گلبه
وظل عالسطح مرمي ومحد‌ يگلبه
ثلث تيام ميت ما يشيلونه
((ما حضروا ليه الخياله))
❥━──➸➽❥❂❥━──➸➽❥❂
لجده حسين تشبه قصته ويومه
صح مسموم بس ما سلبو اهدومه
ولا خلو خواته تدخل الحومه
ولا فوك الرمح راسه يعلگونه
((احا يحسين ويمصابه))
❥━──➸➽❥❂❥━──➸➽❥❂
هذا مصابه بچه فاطمه الزهره
وتحضر بالعزه وتگابل اليقره
اشماله اويه الولد ياوكتي وغدره
كل يوم بولد گلبي يفجعونه
((كل يوم البين يبچيني))
❥━──➸➽❥❂❥━──➸➽❥❂
كل يوم بعزيز البين يفجعني
شباب المات يستاهل عليه وني
يمحبات عالمسموم عازني
هد الحيل ياشيعه كلف يومه
((هاليوم الشيعه يعازوني))
❥━──➸➽❥❂❥━──➸➽❥❂
منه اليوم يل لحاجات طلبيهه
باب امراد و الشدات يگضيهه
عليه مشي العقيلة وذبح اهاليهه
بابه دوم بالشدة يگصدونه
((عطاي امراد يسمونه))
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي

https://www.tg-me.com/القلم الحسيني/com.amAli30

حبايبنه ملايات ميسان مكتبة سيد مؤمل الهاشمي

اصدارات مواجع الطف من الجزء الثالث الى الجزء السابع توفرن بالمكتبة سارعو بالحجز مو يخلصن المواجع وتكولون ماحصلنه مثل العام الماضي

👌🏻👌🏻رقم التوصيل


07732026735

السلام عليكم خادمات الحسين

الف هله بيكم ويارب صحه وسلامه وعافيه لكم بحق سيد الشهداء

واليوم اجيتكم بااجهزه راقيه ومتنوعه ومضبوطه من اجهزة ابو امجد السعدي

جهاز البرين صوت ابو امجد
جهاز الرعد
جهاز التكنوسات
جهاز البرين بااحجامه متوفر

لواقط فاخره متنوعه

بعد لتحتارين كولشي متوفر وبتقنيه عالية ماعليج بس تحجزين على رقم المندوبة المله ام احمد

وهذا الرقم واتواصلي معاها صاحبة اخلاق وتعاملها كلش حلو للتواصل مع الزبائن
المراسله عبر الرقم 👇🏻👇🏻👇🏻

٠٧٧١٢٣٩٢٣٢٠

توفر في مكتبة حسن الطريحي

#جديد_محرم_2024

ديوان حبال السبي خاص عاشوري

لشاعرة اهل البيت ع
المله زينب الطويرجاويه

اصدار مكتبة حسن الطريحي للطباعه والنشر والتوزيع
#النجف_الاشرف_سوق_الحويش
للطلب او الاستفسار

07832535076
07830861950


https://www.tg-me.com/hrmrm7

انتي ملايه ومحتاجه برنامج لشهر محرم يساعدج على تنظيم المجلس والكتب والدفاتر ويساعدج على معلومات للصوت والحنجره وامور كثيرة ودورات لتقوية الصوت والمجالس جبتلج قناة اكاديمية لتعليم الأطوار الحسينيه


شرح صوره وصوت يفوتكم
اشتركي قبل الحذف من الرابط

قناة تلكرام 👇🏻👇🏻👇🏻👇🏻

https://www.tg-me.com/academy_mahhdawyat_allhawa

👆🏻👆🏻اصدار الشاعره الجديد

اذا بعدج ممشتركه بالقناة اشتركي من اروع القصائد الحزينه تحصليهن بالقناة
اشتركو بيها راح تفيدكم كلش للشاعرة زينب الطويرجاوي

اشتركوووو لاتترددون

👇🏻👇🏻👇🏻👇🏻👇🏻

https://www.tg-me.com/zAinbtw

https://www.tg-me.com/zAinbtw

متوفره الان
سارعو بالحجز والشراء

#الطلب_والاستفسار⭕👇👇👇⭕

@ABRAR5325

قناة مكتبة عاشوراء 👇👇👇
https://www.tg-me.com/AiDoiwwn19878

كروب اجهزة ملايات👇👇

https://www.tg-me.com/+n-BgqsOHygw5OWNh

مواجع الطف شكتب
حروف من در وذهب
*
شماجره بطف كربله وحال ضيم العايله

حروف من در وذهب
*
كل حرف بيها القصيده دمعه تعني القافيه

اتصفح الديوان وقره كل القيامه حاميه

اهون عليها العقيله لمنايه ماشيه

باجر تشوف الرزايه والنحور الداميه

*

تحير باطفال ونسه كالبدور الناعسه

من عطشها ناحله وحال ضيم العائله

حروف من در وذهب

*
نبتدي بأول قصيده عاالهلال وماجرى

بيها للصادق روايه وبيهاعمته محيره

مأتمه بيته ينصبه واهل بيته مكدره

يبجي عاالعطشان بالطف والشفامفطره

والدموع النازله وضيم حال العايله

حرف من در وذهب
*
# يوجد لدينا توصيل

#للحجز والاستفسار📮📮

#مراسلةواتساب 07860850008

#مكتبة الصادق 📚📕


www.tg-me.com/EliAN313

👆🏻👆🏻👆🏻👆🏻👆🏻👆🏻👆🏻

اقدم شكري وامتناني لمكتبة الأمام الصادق عليه السلام لمنشورهم الجميل والحزين وابيات الشعر الذي خطها بقلمه الحزين الراقي لكونه شاعر ويعرف تفاصيل القضيه الحسينه

شهادة اعتز بيها من شاعر مبدع يتصفح بدواووين مواجع الطف ويعطي رأيه المبارك ويكتب بحق الدوواوين قصيدة

جزاك الله خير الجزاء اخي الكريم دعواتي لك بالتوفيق والرزق بخدمة سيد الشهداء

اختكم الشاعرة والمله ام علي الإماره

رقم مكتبة الإمام الصادق البصرة قضاء المديّنه

07860850008

الشاعر صاحب مكتبة الصادق قراها بصوته قصيدة المواجع الكتبها بحق دواوويني

شهادة راقيه اعتز بيها زادتني فخر

اللهم يجعله من انصار الحجه المنتظر عج

مكتبة الإمام الصادق عليه السلام